ತೀರ್ಥಹಳ್ಳಿ : ತಾಲೂಕಿನ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಹೊನ್ನೆತಾಳು ಇಲ್ಲಿಗೆ
ದಿ.ಅಮ್ಮಯಮ್ಮ ನಂಟೂರು ಇವರ ಪುಣ್ಯಸ್ಮರಣೆ ಪ್ರಯುಕ್ತ ಮಂಜುನಾಥ್, ಶ್ರೀಕಂಠ ಹಾಗೂ ಮಲ್ನಾಡ್ ಸಂಘದ ಸಂಸ್ಥಾಪಕ ಅಧ್ಯಕ್ಷರು ಹಾಗೂ ಧನುಷ್ ಎಂಟರ್ ಪ್ರೈಸಸ್ ಬೆಂಗಳೂರು ಇದರ ಮಾಲಿಕರಾದ ಸುಬ್ಬಯ್ಯ ಇವರುಗಳು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಹೊನ್ನೆತಾಳು ಇಲ್ಲಿಗೆ ಘೋಷ್ ಪರಿಕರಗಳನ್ನು ಕೊಡುಗೆಯಾಗಿ ನೀಡಿದರು.
ಈ ಪರಿಕರಗಳ ಮೊತ್ತ ಅಂದಾಜು ರೂ.30,000 ಆಗಿರುತ್ತದೆ.
ಶಾಲೆಗೆ ಅತ್ಯಗತ್ಯ ಬೇಕಾಗಿದ್ದ ಬೇಸ್ ಡ್ರಂ, ಸೈಡ್ ಡ್ರಂ,ಬ್ಯೂಗಲ್,ಕೊಳಲು ಮುಂತಾದ ಘೋಷ್ ಸಾಮಗ್ರಿಗಳನ್ನು ಉಚಿತವಾಗಿ ಕೊಡುಗೆ ನೀಡುವ ಮೂಲಕ ದಿ.ಅಮ್ಮಯಮ್ಮ ಇವರ ಪುಣ್ಯ ಸಂಸ್ಮರಣೆಯನ್ನು ಕುಟುಂಬಸ್ಥರು ಶಾಲೆಯಲ್ಲಿ ಆಚರಿಸಿಕೊಂಡರು.
ಕುಟುಂಬದವರ ಈ ಸಾರ್ಥಕ ಕೊಡುಗೆಗೆ ಶಾಲಾ ಎಸ್ ಡಿ ಎಂ ಸಿ ಅಧ್ಯಕ್ಷರು ಸದಸ್ಯರು ಹಾಗೂ ಮುಖ್ಯ ಶಿಕ್ಷಕರು ಸಹಶಿಕ್ಷಕರು ಹಾಗೂ ಶಾಲೆಯ ಗೌರವ ಶಿಕ್ಷಕರಾದ ಸುರೇಶ್ ಎನ್ ಕಲ್ಕೆರೆ ಇತಿಹಾಸ ತಜ್ಞರುತುಂಬು ಹೃದಯದ ಕೃತಜ್ಞತೆಗಳನ್ನು ಸಲ್ಲಿಸಿದರು.
ಜ್ಞಾನ ಭಾರತಿ ಶಾಲೆ ಶೃಂಗೇರಿ ಇಲ್ಲಿನ ಮುಖ್ಯ ಶಿಕ್ಷಕರಾದ ಶಂಕರ್ ಗುರೂಜಿ ಹಾಗೂ ಶೃಂಗೇರಿ ತಾಲೂಕು ಸಂಘ ಚಾಲಕರಾದ ವಿಶ್ವನಾಥ್ ಇವರು ಶಾಲಾ ಮಕ್ಕಳಿಗೆ ಘೋಷ್ ಪರಿಕರಗಳನ್ನು ನುಡಿಸುವುದರ ಬಗೆಗಿನ ಕಲಿಕಾ ಮಾಹಿತಿ ನೀಡಿ ಬ್ಯಾಂಡ್ ಸೆಟ್ ಗಳನ್ನುನುಡಿಸುವುದನ್ನು ಕಲಿಸಿಕೊಟ್ಟರು.
