ಶಿವಮೊಗ್ಗ: ನಗರದ ನೆಹರು ಸ್ಟೇಡಿಯಂ ವೃತಕ್ಕೆ ವೀರ ಶಿವಮೂರ್ತಿ ವೃತ್ತ ಎಂದು ಹೆಸರಿಡಲಾಗಿತ್ತು . ಹಿಂದೆ ಅದನ್ನು ಕಲ್ಲಿನ ಬೋರ್ಡ್ ನಲ್ಲಿ ಬರೆದು ಹಾಕಲಾಗಿತ್ತು ಆದರೆ ಸ್ಮಾರ್ಟ್ ಸಿಟಿಯವರು ಹಾಗೂ ಮಹಾನಗರ ಪಾಲಿಕೆ ಅವರು ರಸ್ತೆಯ ಕೆಲಸ ಮಾಡುವಾಗ ಆ ವೃತ್ತದ ಫಲಕವನ್ನು ತೆಗೆದುಹಾಕಿದ್ದರು. ನಂತರ ಆಟೋ ಚಾಲಕರ ಸಂಘದವರು ಒಂದು ತಗಡು ಬೋರ್ಡನ್ನು ಹಾಕಿದ್ದರು. ಇದರ ವಿರುದ್ಧ ಹಲವು ಹಿಂದೂಪರ ಸಂಘಟನೆಗಳು ಹೋರಾಟಗಾರರು ಕೋಟೆ ರಾಜು, ರಂಜಿತ್ ರಂತಹ ಸಾಮಾಜಿಕ ಕಳಕಳಿ ಉಳ್ಳವರು ಸ್ಮಾರ್ಟ್ ಸಿಟಿ ಯೋಜನೆಯ ನೀತಿಯನ್ನು ವಿರೋಧಿಸಿದ್ದರು. ಇದರ ಬಗ್ಗೆ ವಿಸ್ತಾರವಾಗಿ ನಮ್ಮ ಪತ್ರಿಕೆ ಸುದ್ದಿ ಪ್ರಕಟಿಸಿದ್ದು ಹಾಗೂ ಮಾಜಿ ಉಪಮುಖ್ಯಮಂತ್ರಿಗಳಾದ ಕೆಎಸ್ ಈಶ್ವರಪ್ಪನವರು, ಹಾಲಿ ಶಿವಮೊಗ್ಗ ಕ್ಷೇತ್ರದ ಶಾಸಕರಾದ ಚನ್ನಬಸಪ್ಪ ಚೆನ್ನಿ ಅವರು, ಹಾಗೂ ಮಹಾನಗರ ಪಾಲಿಕೆ ಆಯುಕ್ತರು ಸ್ಮಾರ್ಟ್ ಸಿಟಿಯ ಎಂ ಡಿ ಆಗಿರುವ ಮಾಯಣ್ಣ ಗೌಡ ಅವರ ಗಮನಕ್ಕೆ ತರಲಾಗಿತ್ತು . ಹಾಗೂ ಹಿಂದೂ ಮಹಾಸಭಾ ಗಣಪತಿಯ ವಿಸರ್ಜನೆಯ ಒಳಗೆ ಸ್ಮಾರ್ಟ್ ಸಿಟಿಯ ಯೋಜನೆ ಅಡಿಯಲ್ಲಿ ಈ ವೃತ್ತವನ್ನು ನಿರ್ಮಿಸಬೇಕು ಎಂದು ಹಿಂದುಪರ ಸಂಘಟನೆಗಳ ಆಗ್ರಹವಾಗಿತ್ತು.
ಕೂಡಲೇ ಸುದ್ದಿಗೆ ಹಾಗೂ ಹಿಂದೂಪರ ಸಂಘಟನೆಗಳ ಆಗ್ರಹಕ್ಕೆ ಸ್ಪಂದಿಸಿರುವ ಸ್ಮಾರ್ಟ್ ಸಿಟಿ ಎಂ ಡಿ ಹಾಗೂ ಶಾಸಕ ಚನ್ನಬಸಪ್ಪನವರು ವೀರ ಶಿವಮೂರ್ತಿ ವೃತ್ತ ನಿರ್ಮಿಸಿದ್ದಾರೆ. ಅವರಿಗೆ ಹಿಂದೂಪರ ಸಂಘಟನೆಗಳು ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
ಯಾರು ಈ ಶಿವಮೂರ್ತಿ ..?
ಹಿಂದೆ 1945 ರಲ್ಲಿ ಹಿಂದೂ ಸಂಘಟನೆಗಳ ಮಹಾಮಂಡಳದ ವತಿಯಿಂದ ಸಾರ್ವಜನಿಕ ಗಣಪತಿ ಮೂರ್ತಿ ಪ್ರತಿಷ್ಠಾಪಿಸಲಾಯಿತು. ಅಲ್ಲಿಂದ ಪ್ರತಿವರ್ಷ ಗಣಪತಿ ಮೂರ್ತಿ ಪ್ರತಿಷ್ಠಾಪನೆ ನೆರವೇರುತ್ತಿತ್ತು.
ಆದರೆ ಗಣಪತಿ ಮೂರ್ತಿ ಮೆರವಣಿಗೆ ವಿಸರ್ಜನೆ ಸಂದರ್ಭದಲ್ಲಿ ಮಸೀದಿ ಮುಂದೆ ಮಂಗಳವಾದ್ಯ ನುಡಿಸುವಂತಿಲ್ಲ ಎನ್ನುವ ಅಲಿಖಿತ ನಿಯಮವೊಂದು ಜಾರಿಯಲ್ಲಿತ್ತು ಆದರೆ 1947ರಲ್ಲಿ ಧರ್ಮಸಿಂಗ್ ಎಂಬುವರು ಮಸೀದಿ ಮುಂದೆ ತುತ್ತೂರಿ ಉದುತ್ತಾ ಮುಂದೆ ಸಾಗಿದರು. ಆಗ ಗಲಾಟೆ ಸಂಭವಿಸಿತು ಈ ಗಲಾಟೆಯಲ್ಲಿ ಶಿವಮೂರ್ತಿ ಎಂಬ 24 ವಯಸ್ಸಿನ ಯುವಕನ ಹತ್ಯೆಯಾಯಿತು .
ಮುಂದೆ ಈತನ ನೆನಪಿಗಾಗಿ ನೆಹರು ಸ್ಟೇಡಿಯಂ ವೃತ್ತಕ್ಕೆ ವೀರ ಶಿವಮೂರ್ತಿ ವೃತ್ತ ಎಂದು ಹೆಸರಿಡಲಾಯಿತು.ಆದರೆ ಮಹಾನಗರ ಪಾಲಿಕೆಯವರ ಸ್ಮಾರ್ಟ್ ಸಿಟಿ ಅವರ ಅಚತುರ್ಯದಿಂದ ಈ ವೃತ್ತಕ್ಕೆ ಪ್ರಾಮುಖ್ಯತೆ ನೀಡಿರಲಿಲ್ಲ ಆದರೆ ಈಗ ಇಂದು ಶಿವಮೊಗ್ಗ ನಗರದಾದ್ಯಂತ ಭವ್ಯ ಮೆರವಣಿಗೆಯ ಮೂಲಕ ಹಿಂದೂ ಮಹಾಸಭಾ ಗಣಪತಿಯ ವಿಸರ್ಜನೆ ದಿನವಾದ ಇಂದು ಆ ನಾಮಫಲಕ ಲೋಕಾರ್ಪಣೆ ಗೊಳ್ಳುತ್ತಿರುವುದು ವಿಶೇಷವಾಗಿದೆ.
ರಘುರಾಜ್ ಹೆಚ್.ಕೆ.9449553305.
