ಡಾ/ ಬಾಬಾ ಸಾಹೇಬ್ ಅಂಬೇಡ್ಕರ್ ಅವರ ಜನ್ಮದಿನವನ್ನು ವಿಶಿಷ್ಟವಾಗಿ ಆಚರಣೆ ಮಾಡಿದ ತೀರ್ಥಹಳ್ಳಿ ತಾಲ್ಲೂಕು ಸರ್ಕಾರಿ ನೌಕರರ ಸಂಘ..!!

ಸಂಘದ ಕಚೇರಿಯಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಡಾ.ಅಂಬೇಡ್ಕರ್ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿ ಮಾತನಾಡಿದ ಸಂಘದ ಅಧ್ಯಕ್ಷ ಟಿ ವಿ ಸತೀಶ, ಡಾ.ಬಿ.ಅರ್. ಅಂಬೇಡ್ಕರ್ ಎಂತಹ ದೊಡ್ಡ ವ್ಯಕ್ತಿಯಾಗಿದ್ದರು ಎಂಬುದನ್ನು ಇಂದಿನ ಯುವ ಪೀಳಿಗೆಗೆ ಅರಿವು ಮೂಡಿಸುವ ಜವಬ್ದಾರಿ ನಮ್ಮೆಲ್ಲರ ಮೇಲಿದೆ. ಅವರಿಗೆ ಅರವತ್ತು ವರ್ಷವಾದಾಗ ಸಮಾಜ ಬಾಂಧವರು ಹಮ್ಮಿಕೊಂಡಿದ್ದ ಒಂದು ಅಭಿನಂಧನಾ ಸಮಾರಂಭದಲ್ಲಿ ಅವರು ಮಾಡಿದ್ದ ಭಾಷಣ ಒಂದನ್ನು ಕೇಳಿದರೆ  ಸಾಕು ಅವರದ್ದು ಎಷ್ಟೊಂದು ದೊಡ್ಡ ವ್ಯಕ್ತಿತ್ವ ಎಂಬ ಅರಿವಾಗುತ್ತದೆ ಎಂದರು. ಮುಂದುವರೆದು..,

ಅವರ ಬದುಕಿನ ಇಡೀ ಚಿತ್ರಣಗಳು ಅಲ್ಲಿ ದಕ್ಕುತ್ತವೆ. ತೀರಾ ಸಾಮಾನ್ಯ ಬಾಲಕನೊಬ್ಬ ಅದರಲ್ಲೂ ಇತರರಿಂದ ಮಾತ್ರವಲ್ಲ ತಮ್ಮವರಿಂದಲೂ ತಾತ್ಸಾರಕ್ಕೆ ಗುರಿಯಾಗಿದ್ದ ಬಾಲಕನೊಬ್ಬ ಇಡೀ ದೇಶವೇ ಮೆಚ್ಚುವಂತೆ ಬೆಳೆದು ನಿಂತಿರುವ ಹಿಂದಿನ ಬಹು ದೊಡ್ಡ ಶ್ರಮ, ಹೋರಾಟ,ಸ್ವಾಭಿಮಾನಗಳೆಲ್ಲದರ ಅರಿವಾಗುತ್ತದೆ.

 ಅವರು ಮೂವರನ್ನು ತಮ್ಮ ಗುರುಗಳಾಗಿ ಸ್ವೀಕರಿಸಿದ್ದರು.ಅವರ ಮೊದಲನೆಯ ಸರ್ವೋಚ್ಚ ಗುರು ಬುದ್ದ, ಎರಡನೇ ಗುರು ಸಂತ ಕಬೀರ,ಮೂರನೇ ಗುರು ಜ್ಯೋತಿಬಾಪುಲೆ, ಇದಾದ ನಂತರ ಅವರಿಗೆ ಮೂವರು ದೇವತೆಗಳಿದ್ದರು ಪ್ರಥಮ ದೇವತೆ ಜ್ಞಾನ, ಅವರ ದಿಲ್ಲಿಯ ಮನೆಯಲ್ಲಿ ಇಪ್ಪತ್ತು ಸಾವಿರಕ್ಕೂ ಅಧಿಕ ಪುಸ್ತಕಗಳಿದ್ದವು. ದ್ವಿತೀಯ ದೇವತೆ ಆತ್ಮ ಗೌರವ, ತೃತೀಯ ದೇವತೆ ಶೀಲ ಅಥವಾ ಗುಣ. ನಾವು ಮತ್ತು ನಮ್ಮ ಯುವ ಪೀಳಿಗೆ ಅನುಸರಿಸಲೇ ಬೇಕಿರುವ ಮಹತ್ವದ ಸಂಗತಿಗಳಿವು. 

ಇಂತಹ ಸಾಕಷ್ಟು ವಿಷಯಗಳ ಬಗ್ಗೆ ಬೆಳಕು ಚೆಲ್ಲುವ ಅವರ ಭಾಷಣದ ಅನುವಾಧವನ್ನು ಎಫ್ ಹೆಚ್ ಜಕ್ಕಪ್ಪನವರ ಅನುವಾದಿಸಿ ಪ್ರಕಟಿಸಿದ್ದಾರೆ‌. "ಪುಸ್ತಕ ಮನೆ"ಯಲ್ಲಿ ಸಿಕ್ಕ ಈ ಭಾಷಣದ ಪ್ರತಿಗಳನ್ನು ಸಮಾಜಕ್ಕೆ ಹಂಚುವ ಮೂಲಕ ತೀರ್ಥಹಳ್ಳಿ ತಾಲ್ಲೂಕು ಸರ್ಕಾರಿ ನೌಕರರ ಸಂಘ ಡಾ.ಬಿ.ಆರ್. ಅಂಬೇಡ್ಕರ್ ರವರ ಮಹಾನ್ ಬದುಕಿನ ಚಿತ್ರಣದ ಬಗ್ಗೆ ಅರಿವು ಮೂಡಿಸುವ ಪುಟ್ಡ ಪ್ರಯತ್ನವನ್ನು ನಡೆಸುವ ಮೂಲಕ ಅಂತಹ ಮಹಾನ್ ಚೇತನಕ್ಕೆ ನಮನ ಸಲ್ಲಿಸುವ ಕಾರ್ಯ  ಮಾಡುತ್ತಿದೆ ಎಂದರು.

ಪಟ್ಟಣದ ಕುವೆಂಪು ರಸ್ತೆಯ ವರ್ತಕರಿಗೆ,ಆಟೋ ಚಾಲಕರಿಗೆ ಹಾಗೂ ಸಾರ್ವಜನಿಕರಿಗೆ ಡಾ.ಅಂಬೇಡ್ಕರ್ ರವರ ಭಾಷಣದ ಪ್ರತಿಗಳನ್ನು ಹಂಚಲಾಯಿತು. ಕಾರ್ಯದರ್ಶಿ ರಾಮು ಬಿ, ಖಜಾಂಚಿ ಹೆಚ್ ಸಿ ಪವಿತ್ರ, ಸಂಘಟನಾ ಕಾರ್ಯದರ್ಶಿ ವೆಂಕಟೇಶ್, ನಿವೃತ್ತ ನೌಕರರ ಸಂಘದ ಹೆಚ್ ಆರ್ ಕೃಷ್ಣಮೂರ್ತಿ, ಕಾಡಪ್ಪ ಗೌಡ,ಸುಧಾಕರ ಶೆಟ್ಟಿ,ಗುಂಡಪ್ಪ ಗೌಡ ಮತ್ತಿತರು ಇದ್ದರು….

ರಘುರಾಜ್ ಹೆಚ್.ಕೆ..9449553305…