ಸೊರಬ :- ಶಿವಮೊಗ್ಗ ಜಿಲ್ಲೆ ಸೊರಬ ತಾಲ್ಲೂಕು ಪೊಲೀಸ್ ಠಾಣಾ ವ್ಯಾಪ್ತಿಯ ಚಂದ್ರಗುತ್ತಿ ಗ್ರಾಮದಲ್ಲಿ ದಿನಾಂಕ 06-06-2022 ರಂದು ಪಿ. ಡಬ್ಲ್ಯೂ. ಡಿ ವಸತಿ ಗೃಹದ ಮುಂಬಾಗಿಲಿನ ಬೀಗ ಒಡೆದು ಮನೆಯಲ್ಲಿದ್ದ ಚಿನ್ನಾಭರಣ ಮತ್ತು ನಗದು ಕಳ್ಳತನ ಮಾಡಿಕೊಂಡು ಹೋದ ಬಗ್ಗೆ ಸೊರಬ ಪೊಲೀಸ್ ಠಾಣಾ ಗುನ್ನೆ ಸಂಖ್ಯೆ 92/2022 ಕಲಂ 457,380 ಐ. ಪಿ. ಸಿ. ರೀತ್ಯಾ ಪ್ರಕರಣ ದಾಖಲಾಗಿದ್ದು .
ಕಳುವಾದ ಮಾಲು ಮತ್ತು ಆರೋಪಿಗಳನ್ನೂ ಪತ್ತೆ ಮಾಡುವಂತೆ ಶಿವಮೊಗ್ಗ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಲಕ್ಷ್ಮಿ ಪ್ರಸಾದ್ ರವರ ಮಾರ್ಗದರ್ಶನದಲ್ಲಿ ಶಿವಾನಂದ ಎಸ್. ಮದಗಂಡಿ ಕೆ. ಎಸ್. ಪಿ. ಎಸ್. ಪೊಲೀಸ್ ಉಪಾಧೀಕ್ಷಕರು ಶಿಕಾರಿಪುರ ಉಪ ವಿಭಾಗ ರವರ ಮೇಲುಸ್ತುವಾರಿಯಲ್ಲಿ ಸೊರಬ ವೃತ್ತ ನಿರೀಕ್ಷಕರಾದ ರಾಜಶೇಖರ್ ಮತ್ತು ಸೊರಬ ಠಾಣಾ ದೇವರಾಜ ಪಿ. ಎಸ್. ಐ. ರವರ ನೇತೃತ್ವದಲ್ಲಿ ವಿಶೇಷ ತಂಡ ರಚಿಸಿದ್ದು.
ತಂಡದಲ್ಲಿ ಆನವಟ್ಟಿ ಪಿ. ಎಸ್. ಐ. ರಾಜು ರೆಡ್ಡಿ, ಪ್ರೊಬೆಷನರಿ ಪಿ. ಎಸ್. ಐ. ಕುಮಾರ್, ಸಿಬ್ಬಂದಿಗಳಾದ ಸಿ. ಎಚ್. ಸಿ.- 514 ನಾಗರಾಜ, ಪಿ. ಸಿ.-1212 ನಾಗರಾಜ್, ಸಲ್ಮಾನ್ ಖಾನ್ ಹಾ. ಜಿ ಪಿ. ಸಿ.- 714, ರಾಘವೇಂದ್ರ ಪಿ. ಸಿ. – 1106, ಸಂದೀಪ್ ಪಿ. ಸಿ.1305, ಗೋಪಾಲ ಪಿ. ಸಿ. 751, ಶಿವಾನಂದ ಪಿ. ಸಿ.816, ವಿಶ್ವನಾಥ್ ಪಿ. ಸಿ.1021, ಪಿ. ಸಿ.2105 ಹನುಮಂತಪ್ಪ, ಪಿ. ಸಿ.878 ಉಮೇಶ್, ಎ. ಎಚ್. ಸಿ ಜಗದೀಶ್ ಹಾಗೂ ಬಂಗಾರಪ್ಪ ರವರು ಇದ್ದು.
ದಿನಾಂಕ 18/06/2022 ರಂದು ಈ ಪ್ರಕರಣದ ಆರೋಪಿಯಾದ ಮಂಜುನಾಥ @ ಬಿದರಿ ಮಂಜು ಬಿನ್ ಧರಿಯಪ್ಪ,44 ವಯಸ್ಸು, ಯಮ್ಮಿಗನೂರು ಗ್ರಾಮ ಹಿರೇಕೆರೂರ ತಾಲ್ಲೂಕು, ಹಾವೇರಿ ಜಿಲ್ಲೆ ಈತನನ್ನು ಚಿಕ್ಕೇರೂರು ಗ್ರಾಮದಲ್ಲಿ ವಶಕ್ಕೆ ಪಡೆದುಕೊಂಡು ಸದ್ರಿ ಆರೋಪಿತನಿಂದ ಸೊರಬ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ 03 ಮನೆ ಕಳ್ಳತನ ಪ್ರಕರಣಗಳು ಮತ್ತು ಆನವಟ್ಟಿ ಠಾಣಾ ವ್ಯಾಪ್ತಿಯಲ್ಲಿ 02 ಮನೆ ಕಳ್ಳತನ ಪ್ರಕರಣಗಳು ಒಟ್ಟು 05 ಪ್ರಕರಣಗಳು ಪತ್ತೆಯಾಗಿದ್ದು. ಸದರಿ ಪ್ರಕರಣಗಳಿಂದ 182 ಗ್ರಾಂ ಚಿನ್ನಾಭರಣಗಳು ಮತ್ತು 01 ಕೆಜಿ ಬೆಳ್ಳಿ ಆಭರಣಗಳು ಪತ್ತೆಯಾಗಿರುತ್ತದೆ. ಇವುಗಳ ಒಟ್ಟು ಮೌಲ್ಯ 9,80,000 ರೂ ಗಳಾಗಿರುತ್ತದೆ. ಆರೋಪಿತನನ್ನು ಮಾನ್ಯ ನ್ಯಾಯಾಲಯಕ್ಕೆ ಹಾಜರುಪಡಿಸಿ ನ್ಯಾಯಾಂಗ ಬಂದನಕ್ಕೆ ನೀಡಲಾಗಿರುತ್ತದೆ. ಕಳ್ಳನನ್ನು ಹೆಡೆಮುರಿ ಕಟ್ಟುವ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ ಎಲ್ಲ ಸಿಬ್ಬಂದಿಗಳಿಗೂ ಶಿವಮೊಗ್ಗ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
ಓಂಕಾರ ಎಸ್. ವಿ. ತಾಳಗುಪ್ಪ…
#####################################
ರಘುರಾಜ್ ಹೆಚ್.ಕೆ…9449553305…..
