ಸಾಗರ :- ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕು ಶಿರವಾಳ ವಾಸಿಯಾದ ಸತೀಶ್ ಶಿರವಾಳ ನೆಹರು ಕ್ರೀಡಾಂಗಣದ ಬ್ರಾಸಂ ಬಳಿಯಲ್ಲಿ ತನ್ನ ದ್ವಿಚಕ್ರ ವಾಹನದಲ್ಲಿ ತೆರಳುತ್ತಿರುವಾಗ ದಿಢೀರನೇ ಅಡ್ಡ ಹಾಕಿದ ಬೆಂಗಳೂರು ಮೂಲದ ಇಬ್ಬರು ಯುವತಿಯರು ನಮಗೆ ವಸತಿ ವ್ಯವಸ್ಥೆಗಾಗಿ ಬಾಡಿಗೆ ಮನೆಯನ್ನು ಹುಡುಕಿಕೊಡುವಂತೆ ಒತ್ತಾಯ ಮಾಡಿದಾಗ, ಈ ಯುವತಿಯರನ್ನು ವಿಚಾರಣೆ ಮಾಡಿದ ಸತೀಶ್ ಶಿರವಾಳ ರವರು ಈ ಇಬ್ಬರು ಯುವತಿಯರ ವರ್ತನೆ ನೋಡಿ ಅನುಮಾನಗೊಂಡು, ಬನ್ನಿ ವಸತಿ ವ್ಯವಸ್ಥೆ ಮಾಡುತ್ತೇನೆ ಎಂದು ತನ್ನ ಬೈಕ್ ನಲ್ಲಿ ಕೂರಿಸಿಕೊಂಡು ಸೀದಾ ಮಾನ್ಯ DYSP ಕಛೇರಿಗೆ ಕರೆದುಕೊಂಡು ಹೋದರು.
ತಕ್ಷಣವೇ ಸ್ಪಂದನೆ ನೀಡಿದ ಸಾಗರದ DYSP ರೋಹನ್ ಜಗದೀಶ್ ಹಾಗೂ ಸಾಗರ ನಗರ ಪೊಲೀಸ್ ಠಾಣೆಯ ಕೃಷ್ಣಪ್ಪ ಹಾಗೂ DYSP ಕಚೇರಿಯಲ್ಲಿ ಕರ್ತವ್ಯ ನಿರತ ಪೊಲೀಸ್ ಸಹ ಸಿಬ್ಬಂದಿಗಳು ಬೆಂಗಳೂರು ಮೂಲದ ಈ ಇಬ್ಬರು ಯುವತಿಯರನ್ನು ರಕ್ಷಣೆ ಮಾಡಿ ಸಾಂತ್ವನ ಕೇಂದ್ರಕ್ಕೆ ತಲುಪಿಸುವ ಜವಾಬ್ದಾರಿಯುತ ಕರ್ತವ್ಯ ನಿರ್ವಹಿಸಿದರು.
ಕೂಡಲೇ ಮಾನ್ಯ DYSP ರವರು ಆ ಇಬ್ಬರು ಯುವತಿಯರನ್ನೂ ವಿಚಾರಣೆ ಮಾಡಿ ಬೆಂಗಳೂರು ವಿದ್ಯಾರಣ್ಯ ಪುರಂ ರಲ್ಲಿರುವ ಅವರುಗಳ ತಂದೆ ತಾಯಿಗೆ ವಿಷಯ ತಿಳಿಸಿ, ಬೆಳಿಗ್ಗೆ ಬಂದು ಮಕ್ಕಳನ್ನು ಕರೆದುಕೊಂಡು ಹೋಗುವುದಾಗಿ ಬಲ್ಲ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.
ಮಾಧ್ಯಮ ವರದಿಗಾರರು , ಸಾಮಾಜಿಕ ಹೋರಾಟಗಾರರಾದ ಸತೀಶ್ ಶಿರವಾಳ ರವರ ಸಮಯಪ್ರೆಜ್ಞೆಗೆ ಸಾಗರದ DYSP ರೋಹನ್ ಜಗದೀಶ್ ಹಾಗೂ ಸಾಗರ ನಗರ ಪೊಲೀಸ್ ಅಧಿಕಾರಿಗಳಾದ ಕೃಷ್ಣಪ್ಪ ರವರು ಮೆಚ್ಚುಗೆ ವ್ಯಕ್ತಪಡಿಸಿ, ಅಭಿನಂದನೆಗಳನ್ನೂ ಸಲ್ಲಿಸಿದರು…
ಓಂಕಾರ ಎಸ್. ವಿ. ತಾಳಗುಪ್ಪ….
###################################
ರಘುರಾಜ್ ಹೆಚ್.ಕೆ…9449553305…..
